Trú.is birtir óvenju hreinskilna játningu séra Jakob Ágúst Hjálmarsson í dag þar sem hann segir okkur það sem við vissum, hjálparstarf kirkjunnar er vettvangur kristniboðs.

Söfnuðir landsins hafa komið auga á að enn bíða margir eftir fagnaðarboðunum góðu og að það sé að nokkru á okkar ábyrgð. Miklir hvata menn þessa hafa verið biskuparnir dr. Sigurbjörn, Pétur og Karl. Í mörgum söfnuðum er nú unnið af áhuga að eflingu kristniboðs með hjálparstarfi. Fermingarbörn hafa um árabil gert sér ómak að því að ganga fyrir dyr landsmanna á aðventunni og safna framlögum og hópar innan safnaða hafa haft fjáraflanir og sinnt kynningarstarfi. Það er að lifna yfir kristniboðsáhuga Þjóðkirkjunnar með hjálparstörfunum.

Mikið óskaplega hafa þau samt reynt að afneita þessari staðreynd. Þegar ríkiskirkjufólk stærir sig af því hvernig þau hjálpa fólki gleyma þau yfirleitt að nefna að hjálpinni fylgir trúboð. Þau hjálpa ekki af góðmennskunni heldur gera þau það vegna þess að þannig geta þau breitt út boðskap sinn. Þetta er einfaldlega markaðssetning.