Þó Þorsteinn virðist við fyrstu sýn vera ljúfur náungi er stutt í dimma drungalega hlið enda strákurinn alinn upp í Vogunum.

Það er skemmst frá því að segja að Steini var brjálaður í föstudagsboltanum.

Þetta byrjaði allt í klefanum fyrir leik þegar ég settist of nálægt snaganum hans. Þegar enginn sá til sparkaði hann í sköflunginn á mér og sagði mér að drulla mér í burtu. Er við gengum á völlinn dró hann mig hliðar, tók mig kverkataki og sagði "þú verður tíkin mín í dag Matti". Ég missti smá þvag sem var neyðarlegt því ég var í hvítum stuttbuxum.

Það sem eftir lifði tíma gætti ég þess að vera ekki mjög nálægt Steina, stóð mestmegnis úti í horni og vonaðist til þess að fá ekki boltann. Þegar ég fékk boltann sparkaði ég honum bara langt í burtu. Þorsteinn kom samt stundum hlaupandi að mér og straujaði mig, sérstaklega milli leikja. Ég vil ekki segja frá því ódrukkinn sem gerðist í sturtunni.

Ég ætla að passa mig á því að eiga aldrei viðskipti við þennan mann, hann er klikk.

Ok, þetta er kannski ekki alveg fullkomlega nákvæm lýsing á tímanum, en svona mun ég segja frá honum eftir fimm ár. Það var smá hiti í boltanum í dag og ég er dálítill tuðari