Það sem við þekkjum af alheiminum
Þetta myndband sýnir alheiminn eins og við þekkjum hann. Allt sem við sjáum byggir á gögnum sem menn hafa safnað um alheiminn. Ansi stórfenglegt.
Er jafnvel flotttara í fullri stærð.
(via kottke)
Sævar Helgi - 17/12/09 19:21 #
Takk fyrir að vísa á þetta. Mjög skemmtilegt. Maður gerir sér samt enga grein fyrir stærð alheimsins þrátt fyrir svona góð myndskeið. Hann er svo andskoti stór.
Mér finnst alltaf gaman að sjá örbylgjukliðinn. Hann er í um 13,7 milljarða ljósára fjarlægð. Það er alltaf magnað að hugsa til þess að ljóseindirnar frá þessu bergmáli Miklahvells hafi verið 13,7 milljarða ára á leiðinni til okkar.
Fátt er annars áhrifaríkara en að sjá jörðina í samhengi við alheiminn. Við erum svo óskaplega lítil.
baldur mcqueen - 17/12/09 20:31 #
Takk fyrir þetta.
Ég hrúgaði börnunum í sófann og "neyddi" til að horfa á þetta. Þau voru mjög hrifinn.
Sonur minn, Victor, þykist nú hafa uppgötvað ástæðu þess þetta er kallað "space".
"It has plenty of space", ályktaði hann.
Snæbjörn Guðmundsson - 18/12/09 01:56 #
Vá, ég tók andköf þegar það var aftur súmmað inn á jörðina. Magnað myndband.
Halldór E. - 18/12/09 02:33 #
Dóttir mín er í 5. bekk og til að hjálpa þeim að skilja stærð sólkerfisins, staðsettu þau veifu sem táknaði sólina á skólalóðina og gengu síðan af stað í hóp frá skólanum og settu niður veifur fyrir pláneturnar, í réttum hlutföllum, við fjarlægð þeirra frá sólu. Ég man ekki "ratio-ið" en Plútó var í rétt um mílufjarlægð frá skólanum (sólinni).
Það er sjálfsagt hægt að útfæra þetta mismunandi vegu, með boltum og svo framvegis, en dóttur minni fannst þetta mjög magnað.
Freyr - 18/12/09 10:45 #
Halldór, þetta hefur verið útfært í Svíþjóð veit ég sem hluti af "trans-country" listaverki.
Þarna er þetta í hlutföllunum 1:20 milljón, þannig að sólin er 71m í þvermál og plútó 12cm í þvermál í 600 km fjarlægð.
En þetta er náttúrulega bara sólkerfið okkar, sem nær ekki einu sinni stærð atóms ef alheimurinn væri á stærð við jörðina.
Ólafur í Hvarfi - 18/12/09 11:17 #
Virkilega flott animation og grafík.. það eru til mun nákvæmari líkön af útliti alheimsins að mati stjörnufræðinga.. en hér er linkur á skemmtilega mynd sem þar sem borin er saman mynd innan úr heilanum og það stærðfræðilega tölvulíkan sem fræðingar eru að gera að hinum þekkta alheimi.. Bara smella á mynd til að stækka: http://or.blog.is/blog/or/image/938521/
Sævar Helgi - 18/12/09 15:52 #
Stjörnufræðivefurinn stóð fyrir sólkerfisrölti í apríl á þessu ári í tilefni alþjóðlegs árs stjörnufræðinnar með mikilli og góðri hjálp frá bekk í Melaskóla. Þar var gengið frá sólinni sem var örlítið stærri en körfubolti á Ingólfstorgi upp að Plútó sem var sandkorn við pizzastaðinn hjá Hlemmi. Það var mjög áhrifaríkt. Miðað við okkar líkan yrði fjarlægasti þekkti hnöttur sólkerfisins í Mosfellsbæ en næsta sólstjarna í Ástralíu eða þar um bil.