Fréttastofur ljúga fyrir ríkiskirkjuna
Trekk í trekk fullyrða fréttastofur að kirkjubekkir séu þétt setnir, að fjöldi fólks hafi mætti í messu eða á upplestur á Passíusálmum. Þegar horft er á fréttirnar blasa við hálftómir kirkjubekkir eða fáeinar hræður í tjaldi í Húsdýragarðinum. Myndatökumenn passa sig á að taka ekki yfirlitsmynd til að ekki sé áberandi hversu fáir eru á staðnum. Þetta á að heita helsta hátíð kristinna manna, það er fréttnæmt hversu lítill áhugi landsmanna er - skammarlegt að skálda þann áhuga.
Fréttastofurnar ljúga fyrir ríkiskirkjuna og fréttastjórar ættu að skammast sín.
GH - 04/04/10 19:19 #
Tók einmitt eftir þessu í fréttunum í gær eða fyrradag. Fannst pínkufyndið þegar auðir bekkirnir sýndu allt annað en það sem fréttamaðurinn sagði!
Erik Ólaf - 05/04/10 10:13 #
Þessi fyrirsögn er kostuleg ef maður skoðar svo myndina.
Matti - 05/04/10 18:27 #
Það er nú ekki beint umfjöllun en þú finnur þetta á síðu Vantrúar á Facebook. Ég gerði bara ráð fyrir að þú værir aðdáandi ;-)