Minnihlutahópar
Enn og aftur er hafin umræða um aðkomu ríkiskirkjunnar að skólum. Hætt er við því að þetta verði nákvæmlega sama umræða og áður enda ríkiskirkjan í vörn og áróðursvélin komin í gang. Margir munu t.d. halda því fram að meirihlutinn sé að lúffa fyrir minnihlutanum, að minnihlutinn sé að kúga meirihlutann.
Þá blasir við ein spurning: Hvað er að því? Er það virkilega mikilvægt að ríkiskirkjan fái að starfa í leik- og grunnskólum borgarinnar (landsins)? Af hverju?
Standa kirkjurnar ekki opnar? Er ekki öllum frjálst að fara með börnin sín í kirkjustarf utan skólatíma?
Ég sé ekki hvaða hagsmunum meirihlutans er verið að fórna fyrir hagsmuni minnihlutans. Fyrir utan það að ég tel ekki að meirihluti landsmanna sé fylgjandi trúboði í skólum - og við erum að tala um trúboð í skólum. Það er enginn að bola út kennslu um kristni, hún verður áfram hluti af námsefni í grunnskóla.
Einnig vil ég minna þá trúmenn sem nota þessi meirihlutarök á að það er ekkert öruggt að þeir verði alltaf í meirihluta. Minnihlutar eiga það til að stækka, meirihlutar minnka stundum. Gefum okkur að kristnir verði minnihlutahópur á Íslandi innan nokkurra áratuga sem er alls ekki langsótt miðað við trúarviðhorf landsmanna. Væri ekki betra fyrir kristna íslendinga ef í landinu væri stjórnarskrá og lög sem vernda réttindi minnihlutahópa?
ps. Fréttablaðið er svo fáránlega mikið málgagn ríkiskirkjunnar að það er ekki eini sinni fyndið. Presthjónin Árni Svanur og Kristín fá enn eina greinina birta á leiðarasíðu blaðsins og prestsonurinn skrifar enn einn ríkiskirkjuleiðarann. Skammast þetta fólk sín ekkert? Sefur það vært?
- Silfur Egils: Trú í eða utan skólatíma
- Vísir: Biskupsstofa átti fulltrúa í starfshópnum
- Leiðari Fréttablaðsins
- Grein Árna Svans og Kristínar
- Siðmennt: Dæmi um óviðeigandi trúaráróður í skólum
- Vísis: Vísar því á bug að trúboð sé stundað í skólum
- Vísir: 80 prósent grunnskóla fara með börnin í kirkju
- Halldór Elías: Tækifæri til nýrrar hugsunar (skynsamleg nálgun trúmanns!)
- Vísir: Skólastjórnenda að ákveða hvort trúfélög heimsæki skólana
- Vísir: Leikskólastarfsfólk ósammála um trúboð
- Séra Guðrún Karlsdóttir: Vonlaus þjóð
- dv: Stjórnarmaður Siðmenntar: Kirkjan óttast að missa óheftan aðgang að börnum
- Séra Bjarni Karlsson: Skóli og kirkja
- Oddný Sturludóttir: Þegar Samfó og Besti stálu jólunum
- Vísir: Leikskólakennari: „Þetta er náttúrulega trúboð“
- Snorri Óskarsson (Betel): Mannréttindi og Jesús
- Jón Magnússon: Á að leggja niður Jólin?
- Skafti Harðarson: Siðmenntað mannréttinaráð
- Ólína Þorvarðardóttir: Trú og siður
- Teitur Atlason: Kirkja og skóli
- Þórhallur Heimisson: Kirkja og skóli í sögu og samtíð
Jón Yngvi - 18/10/10 14:33 #
Ég held að þú sért óþarflega svartsýnn. Að vísu eru varnir kirkjunnar ósköp þreyttar, en mér sýnist að mjög margir sem hingað til hafa látið sér trúboð í léttu rúmi liggja séu að snúast.
Siggi Óla - 18/10/10 14:42 #
http://www.visir.is/80-prosent-grunnskola-fara-med-bornin-i-kirkju/article/2010248551077
Held að þessi linkur eigi ágætlega heima með hinum sem eru neðanmáls við færsluna þína. Hálf skuggalegar tölur verð ég að segja.
Matti - 18/10/10 14:44 #
Bætti vísuninni inn og einnig þessari frétt.
Magnús - 18/10/10 15:50 #
Já, það er náttúrulega alveg "skelfilegt" að 80% grunnskóla í Reykjavík leita að fyrra bragði til kirkjunnar á jólunum (!)
Þú þurrkar ekki 1000 ára kristilegan arf í burtu með því einfaldlega að vera hræddur við eitthvað sem þú hvort sem er skilur ekki.
Halldór E. - 18/10/10 16:57 #
Þakka góð orð í mín garð. En greinin mín heitir reyndar "Tækifæri til nýrrar hugsunar" en ekki "Tækifærri..." Þó þú vonist e.t.v. eftir að það verði "færri" sem noti kirkjuþjónustu. :-)
Siggeir F. Ævarsson - 18/10/10 23:20 #
Þessir Púlarar sko, þeim er ekki viðbjargandi ;)