Samtök um tónlistarhús verða lögð niður þegar Harpa verður vígð á menningarnótt 20. ágúst. 140 milljónir króna hafa safnast í þau 28 ár sem samtökin hafa verið til. Utan um peningana hefur verið stofnaður menningarsjóður Samtaka um tónlistarhús og Ruthar Hermanns og tekur hann til starfa í Hörpu eftir vígsluna. Þangað geta þeir sem hyggja á tónleikahald í Hörpu sótt um styrk #

Eflaust er þetta bjánaleg spurning: Af hverju fara þessar 140 milljónir ekki upp í kostnaðinn við byggingu Hörpu?

Ég veit að þetta er ekki hlutfallslega mikið af heildarkostnaði en er ekki eðlilegt að Samtök um tónlistarhús taki þátt í kostnaðinum við að byggja tónlistarhúsið? Var ekki verið að safna pening í þeim tilgangi? Var ekki verið að "lobbía" fyrir þessu húsi árum saman? Er ekki réttast að afhenda skattgreiðendum þennan pening sem táknrænan þakklætisvott fyrir Hörpu? Þann pening væri svo hægt að nota til að styrkja fátækustu samlanda okkar - þá sem láta sig ekki einu sinni dreyma um að fara á skemmtun í Hörpu.