Ef hópurinn sem hæst hefur hrópað gegn byggingu mosku í Reykjavík er skoðaður sést fljótt að eitt einkenni hans er kristni og/eða stuðningur við ríkiskirkjufyrirkomulag á Íslandi^*.

Undanfarinn áratug hefur ríkiskirkjufólk ítrekað talað um kristilega arfleifð íslenskrar menningar og annað í þeim dúr. Margir stuðningsmenn ríkiskirkjunnar hafa rökstutt afstöðu sína með vísun til þess að annars komi múslimarnir (tveir þingmenn, einn fyrrverandi, hafa viðrað slíka skoðun við mig). Þræðirnir milli ríkiskirkjunnar og andstæðinga mosku eru margir.

Það sem ég vildi semsagt segja er að megin vandinn við herskáan málflutning Þjóðkirkjunnar og stuðningsmanna hennar gegn þeim sem þau fyrirlíta er að hann er vatn á myllu haturshreyfinga sem grafa undan allsherjarreglu og almennu siðferði með því t.d. að fordæma minnihlutahópa á borð við múslima og skerða frelsi þeirra sem ekki aðhyllast kristni.

Sorry krakkar, stuðningur við ríkiskirkju er stuðningur við hópinn sem mótmælir mosku á Íslandi.

Annað var það ekki í bili.

ps. Ef þið eruð skráð í ríkiskirkjuna en viljið hætta því hafið þið morgundaginn til að skrá ykkur úr henni.

^* Auðvitað eru ekki allir í hópnum kristnir eða stuðningsmenn ríkiskirkju en ég fullyrði að flestir eru það. Skoðið málið ef þið trúið mér ekki.