Einu bollur dagsins
Voru þessar ítölsku kjötbollur með pestó, parmesan og beikon, um 140kkal stykkið.
Syndsamlega góðar.
Hef hingað til alltaf brúnað kjötbollur á pönnu áður en ég klára þær í ofni en það er algjör vitleysa. Setti þær beint í ofninn í kvöld, neðst í ofninn með blástur og grill, sneri bollunum einu sinni. Þær voru þéttar og góðar.
Ég hef aldrei verið mikið fyrir rjómabollur og á því ekki erfitt með að láta þær eiga sig.
ps. Ég átti ekkert við þessa mynd og engu var stillt upp, parmesan-stykkið var 666 grömm áður en ég fékk mér á diskinn yfir bollurnar og spagettíið. Djöfullegt!
Matti - 16/02/15 22:26 #
Alveg sjálfsagt, eftir minni þó.
- 4 hvítlauksrif
- 1 laukur
- 1/2 rauður chili
- 65 gr beikon
Saxaði allt smátt, steikti hvítlauk, chili og lauk í olíu. Þegar laukur var orðinn glær setti ég beikon út í og létt malla í smá tíma.
- 500 gr nautahakk 8-12%
- 500 gr grísahakk
- tvær brauðsneiðar án skorpu
- örlítil léttmjólk
- 45gr rifinn parmesan
- tvö egg
- 3 teskeiðar pestó
- salt og pipar
Skar brauðið smátt og vætti með smá mjólk. Setti allt í skál og hrærði vel saman með sleif, laukurinn og beikonið sem ég hafði steikt áður fór líka saman við. Röðin skiptir ekki beint máli en eg enda alltaf á pestóinu og bæti við ef ég er í stuði!
Mótað í frekar litlar kúlur og raðað í ofnskúffu. Smá ólífuolíu hellt yfir. Sett neðst í 180° heitan ofn á blæstri og grilli. Þetta var inni í 30-45 mínútur, ég er ekki viss. Sneri bollunum einu sinni, þegar þær voru orðnar fallega brúnar.
Meðan gerði ég sósuna:
- Tveir vænir laukur
- Fjögur hvítlauksrif
- Hálfur chili
- Tveir litlir sellerí stönglar
- Tvær dósir af hökkuðum tómat
- baslamic edik (dass)
- salt
- pipar
- óreganó
- fersk basilka, söxuð gróft
Saxaði lauka, chili og sellerí og steikti í ólvíu olíu þar til glært. Setti tómata út í og dass af balsamic, leyfði þessu að sjóða niður við meðal hita í a.m.k. korter. Kryddaði, setti basilikuna út í rétt í lokin.
Bar þetta svo fram eins og sést á mynd.
Bjarni - 19/02/15 14:24 #
Takk - smakka þetta fljótlega :)