Er ekki fínt að fólk haldi sig heima ef það getur? Ætli umferðin í dag hafi ekki einmitt gengið snurðulaust fyrir sig vegna þess að það voru fáir bílar á götunum?

Kæru fjölmiðlar, hættið að birta svona barnalegar æsingsfréttir þó einhver segi eitthvað (heimskulegt) á Facebook. Þetta er svo ógeðslega ódýrt, einungis birt til þess að fá smelli (þess vegna vísa ég ekki á neina svona frétt) og athugasemdir. Þetta sýnir hvað þessir tilteknu fjölmiðlar eru orðnir miklir aumingjar. Nenna ekki að skrifa vandaðar fréttir sem krefjast örlítillar vinnu.

^*Hver þykist ég vera að segja hvað er fréttnæmst og hvað ekki? Tja, þetta er bara augljóst dæmi um ekkifrétt. Fólk má alveg hafa skoðanir og tjá þær á Facebook án þess að þær rati í fjölmiðla. Í raun er óþolandi hvað fjölmiðlar eru endalaust að draga fram Facebook ummæli einhverra einstaklinga og gera úr því fréttir. Skrifið færri fréttir, birtið færri skoðanir. Það er munur á því hvort opinberir aðilar segi eitthvað eða hvort það er bara Jón eða Gunna úti í bæ.