Ég gat alveg hugsað mér að kjósa Guðna Th. sem forseta þar til hann sagði þetta.

„Ég er langt frá því að vera trú­laus og kristin gildi eru und­ir­staða okkar lýð­ræðis og vel­ferð­ar­sam­fé­lags­.“ #

Það stuðar mig ekki að Guðni er trúaður, allir forsetaframbjóðendur eru það í þetta skipti. Þegar hann segist „langt frá því að vera trúlaus“, eins og trúleysi sé öfgafull jaðarskoðun, eru það skilaboð um að hann ætli sér ekki að vera forseti minn. Það sem hann segir um kristin gildi er þvaður - og sérstaklega undarlegt frá sagnfræðing.

Ég held að Guðni sé fínn gaur, hef engar áhyggjur af því að hann verði með eitthvað rugl sem forseti. Stuðningsmenn Guðna segja margir að helsti kostur hans sé að hann standi gegn þjóðrembing. Mér finnst trúarbragðarembingur alveg jafn slæmur og sé ekki að þetta sé nokkuð annað.

Þannig að ég þarf að kjósa einhvern annan. Ekki Davíð, það er bannað að kjósa eins og fáviti.

Guðni verður auðvitað næsti forseti og biskup getur andað rólega. Ég tapa öllum kosningum sem ég tek þátt í, er löngu búinn að sætta mig við það.