Norðurljós í Borgarfirði síðasta föstudag

Vorum í bústað um helgina og á föstudagskvöld fór ég út og tók myndir af norðurljósum. Fyrst voru þau ansi skýr en ég nennti ekki strax út, tók símamynd af pallinum sem kom bara ansi vel út, myndavélin í Samsung Galaxy S23 Ultra virkar ágætlega í næturstillingu. Þegar ég drattaðist loks út voru ljósin daufari en náðust samt vel á mynd.

Þegar ég ætlaði að ganga til rekkju um tvö um nótt voru ljósin orðin ansi björt og ég skellti mér því aftur upp á hól og tók nokkrar myndir.

Ég hef dálítið gaman að þessu þó norðurljósamyndir séu næstum allar eins. Passa mig á að ýkja myndirnar ekkert mikið í vinnslu, eins og sést eru þær dálítið dramatískar úr símanum enda skrúfar sjálfvirka myndvinnslan í símanum allt upp í ellefu.

Nokkrar í viðbót í myndum mánaðarins.

03.12.2023 22:50 myndir

Athugasemdir

Matti - 04/12/23 15:48 #

Ef smellt er á símamyndina sem ég vísa á fremst, þá stendur að hún sé tekin á hálfri sekúndu.

Það er ekki alveg rétt, því það tók a.m.k. 4-5 sekúndur. En hugsanlega er eitthvað af því eftirvinnsla frekar en ljóssöfnun. Og mögulega er Python skriftið mitt, sem les upplýsingar úr exif skránni, ekki að lesa rétt frá þessum síma.

Ég gruna að night stillingin taki margar myndir og sameini, frekar en að hafa ljósopið opið lengur.