Lundúnaferð
Það styttist í að við förum til London, flúgum út á fimmtudagsmorgun, komum heim á sunnudagskvöldi.
Á fimmtudagskvöldið kíkjum við á Derren Brown á sviði í Ascroft leikhúsinu í Croydon.
Vorum að staðfesta miða á Chelsea-Wolves á laugardeginum, ég og Baddi förum á völlinn meðan Gyða og Sirrý versla.
Stefnum á að kíkja í British Museum á sunnudaginn.
Annað er óráðið held ég, ef veður leyfir förum við eflaust í skoðunarferð um borgina. það hlýtur að vera hægt að gera eitthvað í London :-)
Síðast þegar ég fór til London, fyrir fjórum árum, gerði ég ekkert af viti annað en að kíkja á ECTS og rölta um Oxford stræti með Eggert og versla barnaföt!
Sirrý - 23/03/04 12:16 #
Ég er farin að hlakka mikið til og er viss um að við finnum okkur einhvað að gera í London við getum alla vega drukkið bjór ef við finnum ekkert annað. Mikið er ég annars glöð með það að þið farið á völlinn, hefði verið til í að fara með en langar meira í buxur svona er maður skrítin.
Binni - 24/03/04 00:53 #
Ég mæli með aftansöng í Sankti Pálskirkju kl. 5 síðdegis á föstudeginum og vakningarsamkomu (Breakthrough Night!) hjá blökkuleiðtoganum Pastor NAB í Vineyard-kirkjunni í suð-austurhluta borgarinnar um kvöldið kl. 8!