Bilaður spegill
Ég stóð við stóru orðin og rakaði mig í dag. Já, það er ekki lítið sem maður leggur á sig!
Raksturinn gekk samt ansi erfiðlega því spegillinn uppi á baði fór í eitthvað rugl. Þetta gerist af og til, spegillinn lendir á milli tímavídda, maður verður bara að sætta sig við þetta þó það verði mjög hvimleitt við rakstur.
Hugmyndin er náttúrulega ekki frumleg, margir hafa gert mjög skemmtilega hluti í þessa veru, t.d. Raggi og Rebba. Ég tók fullt af myndum við raksturinn og ætla að prófa nokkrar samsetningar í viðbót. Fyrir nokkrum mánuðum tók ég þynnkumynd sem byggir á sömu pælingu.
Kristján Atli - 19/02/06 17:32 #
Ég hef oft séð svona myndvinnslu áður, en ég skellti samt uppúr þegar ég sá þessa mynd hjá þér. Það er ákveðinn karakter, ákveðinn húmor, í henni.
Annars er ég alltaf hrifinn af mynd Rene Magritte frá 1937: La Reproduction Interdite. Mætti kannski skora á þig að gera þína útgáfu?