Með rauða húfu
Tók þessa mynd af Ingu Maríu um daginn, færði hana yfir í tölvu í dag og vann hana. Hér skartar Inga María húfu sem Stella amma hennar bjó til.
Ég var að rembast við að fá litina í myndinni þokkalega. Vann hana úr Raw skrá með CS3 og miðaði þá white balance við augun, vann litina með kúrfum og að lokum dró ég úr gula litnum sérstaklega með color balance tólinu. Þarf að læra eitthvað í litvinnslu, það hljóta að vera til einhverjar góðar bækur. Spurning hvort það séu einhver námskeið í boði. Svo held ég að það væri gáfulegt að litstilla tölvuskjáina mína. Annars er rauður litur afar vandmeðfarinn á flestum myndavélum, þær eiga það til að sprengja þá rás, en mér sýnist rauði liturinn koma ágætlega út hér.
Enn og aftur get ég svo vælt undan því hér hve latur ég hef verið að taka ljósmyndir. Ég hef reyndar verið latur við ýmislegt annað undanfarið en á móti kemur að ég hef verið hrikalega duglegur í átakinu. Hef farið í ræktina eða boltann á hverjum degi og verið hrikalega samviskusamur í mataræði.
Átakinu fylgir líka að ég ætla ekki að fá mér í glas fyrr en í apríl þegar við förum til Berlínar. Kominn tími á smá bindindi.
Sigurdór - 19/01/08 17:43 #
Seinni útgáfan er betri. Sammála ykkur með grænu slikjuna. Litvinnsla er ansi "trikkí", þ.e.a.s. ef menn eru að leita eftir sem "eðlilegastri" útkomu. Ég hef einmitt verið bara að fikta mig áfram með þetta, reyna að læra af reynslunni. Í hvaða lita kerfi vinnurðu eða vistar myndirnar?