Harðsperrur, Bueller og mannleg samskipti
Óskaplega fæ ég alltaf hrikalegar harðsperrur eftir að ég tek fætur í ræktinni. Var að lyfta á mánudag og tók þá hnébeygjur, afturstig og fleira skemmtilegt. Er ákaflega stirður og stífur þessa stundina. Fór í bolta í hádeginu, gat svosem alveg spriklað dálítið.
Ég verð orðinn góður af harðsperrum á morgun eða hinn. Ætti að geta rölt um Berlín um helgina.
Var með kveikt á Bylgjunni þegar ég fór í boltann. Þar var Ívar Guðmunds að tala um bíómyndir og minntist á myndina Ferris Bueller's day. Ég veit að það er asnalegt að setja út á þetta, en myndin heitir Ferris Bueller's day off. Út á það gekk myndin.
Hildur er með einfalda reglu um mannleg samskipti.
Maður á að vera góður við börn og dýr. Og maður á líka að vera góður við fólk sem er gott við börn og dýr.
Þetta hljómar vel. Tit for tat reglan er enn einfaldari (en krefst lengri skýringar)!
Kalli - 16/04/08 15:26 #
Ég held að reglan hans Wil Wheaton (Wesley Crusher í Star Trek: The Next Generation) sé best: „Don't be a dick.“
Matti - 16/04/08 15:33 #
Nei en hún er einfaldari. Ég get tekið undir að þín er betri.
Tit for tat fjallar bara um samskipti tveggja einstaklinga.
Skv. reglunni sem er notuð í leikjafræði á maður að byrja á því að "vera góður" og svo á maður alltaf að svara í sömu mynt.