Sveðjugaurinn í Seljahverfi
Skömmu eftir að ég náði að festa svefn klukkan eitt í nótt vaknaði ég við læti fyrir utan. Sá lítið út um svefnherbergisgluggann þannig að ég færði mig yfir í herbergið hennar Kollu. Sá þá mann og konu hnakkrífast fyrir utan blokkina á horni Engjasels og Dalsel (30-40 metra frá okkur). Skömmu síðar fór maðurinn inn í húsið og upp á efstu hæð en konan gekk í burtu.
Andartaki síðar mætti lögreglubíll, fjórir vaskir sveinar skokkuðu upp á efstu hæð og ég glápti áfram, sá meðal annars vasaljós í íbúðinni (af hverju kveikja menn ekki bara ljósin). Annar lögreglubíll ók framhjá síðar og svo kom stór lögreglubíll og þrír eða fjórir lögreglumenn til viðbótar. Maðurinn var leiddur í járnum út í bíl mínútu síðar.
Í morgun sé ég að maðurinn hafði verið að ógna fólki með sveðju. Stanslaus stemming í Seljahverfinu.
Siggeir F. Ævarsson - 03/10/10 12:31 #
Mikið er nú gott að búa í Bökkunum!
Kalla Lóa Karlsdóttir - 03/10/10 13:53 #
Það er því miður allt í slíkum dúr sem lögreglan sendir frá sér,, sem sagt helmingurinn lygi og hitt ekki satt.
Ari - 03/10/10 20:11 #
Já dreggjar samfélagsins eru í Breiðholtinu, satt er það.
Matti - 03/10/10 20:28 #
Átti þetta að vera fyndið?
Matti - 03/10/10 22:08 #
Ég var nú fyrst að taka eftir því að Eyjan vísar á þessa bloggfæslu með fyrirsögninni Lögreglan að færa í stílinn?
Ég skil ekki alveg hvaðan sú fyrirsögn kemur, ég er alls ekki að halda því fram að sveðja hafi ekki komið við sögu í málinu. Ég geri ráð fyrir að ég hafi bara séð eftirleikinn, enda leið það stuttur tími frá því ég heyrði rifrildi þar til lögreglan mætti á svæðið að útilokað er að hún hafi komið af því tilefni.
Ég botna ekkert í þessari fyrirsögn Eyjunnar en skil aðra athugasemd nú aðeins betur.
Valur B - 04/10/10 08:53 #
Hvað þarf marga lögreglumenn til að handtaka einn mann og hvað þarf marga Hafnfirðinga til að skrúfa eina ljósaperu.
Matti - 04/10/10 09:06 #
Ef maðurinn hefur verið að sveifla stórri sveðju skil ég vel að það þurfi nokkra.