Át á mig gat
Fórum í kvöldmat til tengdaforeldra minna og fengum saltkjöt og baunir. Ég át á mig gat, mest af baununum, kartöflum og rófum, en líka alltof mikið af saltkjöti.
Sat og gluggaði í Skírni fyrir mat, las um Lúkasarguðspjall, kristna siðfræði og hjónabandið og krist í sögulegu ljósi. Fannst þetta skondin lesning!
Matti Á. - 25/02/04 09:15 #
Til hvers að segja frá þegar maður getur ýjað að :-)
Fannst grein Róberts Haraldssonar um stórmennskuna áhugaverðust enda þekki ég grein Kristjáns Kristjánssonar um efnið.
Lúkasarguðspjallargreinin var áhugaverð þar sem kjarni hennar var að það ætti ekki að taka neitt bókstaflega sem þar stendur, heldur lesa á milli línanna um samfélagið sem hún fjallar um. Póstmódernísk lokaorð um texta voru mjög fyndin.
Greinin um hjónabandið var skondin vegna þess hversu mikil flækja þessi kvennafræði er, greinin var þó ágæt samantekt.
Greinin um hinn sögulega krist sagði svo allt nema að kristur hafi ekki verið til og sögurnar séu fals. Mér fannst greinin í raun fjalla um það hvaða aðferðir menn hafa fundið til að réttlæta trú sína á sögulegan krist þrátt fyrir þá þekkingu sem við höfum öðlast.