Vorum að koma heim eftir vikulangt ferðalag. Ókum austur síðasta föstudag, borðuðum kvöldmat á Systrakaffi á Kirkjubæjarklaustri og gistum á Fosshótel Skaftafelli. Það var mjög huggulegt. Lögðum snemma af stað á laugardag og héldum til Egilsstaða, ókum fram hjá fullt af hreindýrum á leiðinni. Ég lærði lexíu, myndavélanördar eiga alltaf að hafa myndavélina uppi við þegar þeir ferðast um landið, ekki ofan í tösku. Stoppuðum stutt í Djúpavogi, borðuðum nestið rétt við afleggjarann að Öxi (færðin var fín) og vorum komin til Egilsstaða rétt rúmlega eitt.
Ástæðan fyrir ferðalaginu er að Inga María tók þátt í fimleikamót á Egilsstöðum með liðsfélögum sínum í Gerplu. Við tókum frí vikuna eftir til að vera í bústað í Miðhúsum í útjaðri bæjarins, ná áttum eftir próf.
Þingmenn úr öllum flokkum nema Sjálfstæðisflokknum lögðu fram frumvarp á Alþingi í vetur um að lækka virðisaukaskatt á smokkum úr 25 og hálfu prósenti niður í sjö prósent. #
Segir þetta ekki allt sem segja þarf um þennan blessaða stjórnmálaflokk?
Ég hef aldrei séð jafn stóran og fallegan krækling og við fengum á Kex í kvöld.
Við hjónin röltum á Kex eftir kvöldmat á veitingahúsi í nágrenninu. Gyða fékk sér desert og ég fékk mér bjór. Fengum óvæntan glaðning frá kokkinum. Þessa myndarlegu skál af krækling í bjór. Ég hef aldrei séð jafn glæsilegan krækling. Þetta var glænýr íslenskur kræklingur sem barst í hús í dag. Ég mæli með því að þið kíkið á Kex og fáið ykkur krækling
Kláraði prófin í hádeginu. Var í tveimur prófum eins og síðustu þrjú skipti. Eftirmiðdaginn í gær fór ég í próf í Þýðendum og í morgun mætti ég í próf í Reiknirit, rökfræði og reiknanleiki. Þetta var frekar galin próftafla, ég hefði kosið að fá nokkra daga milli prófa svo ég gæti einbeitt mér að hvoru fyrir sig.
Gekk sæmilega í þessum prófum, held þetta sé alveg staðið - en ekkert miklu meira en það. Vona bara að kennararnir verði báðir umburðarlyndir þegar þeir fara yfir lausnir. Eins og alltaf hefði ég viljað fá örlítið meiri tíma í undirbúning, hlutirnir smella oft síðustu daga fyrir próf.
Þar sem ég var staddur á rauðum ljósum við Sprengisand í morgun, á leið í próf, fattaði ég villu hjá mér í prófinu í gær. Hafði ekki lágmarkað rétt DFA fyrir málið (ab|ba)*(a|b)*ba, féll í gildruna hjá Snorra (sjáið þið hana?). Lausnin blasti allt í einu við mér og er sáraeinföld. Vonandi gefur hann eitthvað fyrir viðleytni. Þetta var dæmi sem ég átti að vera með 100%.
Þá hefst biðin eftir einkunnum. Ætli ég byrji ekki að hanga á Uglunni eftir helgi.
Eftir að hafa kíkt á Morgunblað dagsins efast ég um að blaðið gæti orðið kröftugri málsvari fyrir ríkiskirkjuna þó Karl Sigurbjörnsson tæki við ritstjórn blaðsins.
Er það ekki annars ágæt hugmynd? Karl fer bráðum að leita að starfi og það styttir boðleiðir ef fulltrúi ríkiskirkjunnar sér einfaldega um ritstjórnina (eins og hjá Fréttablaðinu). Karl kann að skrifa rætna dylgjupistla og því tilvalið að hann sjái um leiðaraskrif Morgunblaðsins.
Hér fyrir neðan er skjáskot af forsíðu blaðsins í dag. Smellið á myndina til að sjá stærri útgáfu.
Matti, alveg merkilegt hvað þú virðist upptekinn af því að gagnrýna Gerrard hér í gegnum tíðina. #
Skrifar Baros á Liverpool blogginu í umræðum um bikarúrslitaleikinn í gær. Ég hafði bent á að sennilega hafði verið stillt upp með Gerrard "í holunni" en hann hefði fljótlega verið kominn í stöðu aftasta miðjumaður og Suárez þarf af leiðandi verið aleinn og einangraður frammi.
Vorum að koma heim eftir vikulangt ferðalag. Ókum austur síðasta föstudag, borðuðum kvöldmat á Systrakaffi á Kirkjubæjarklaustri og gistum á Fosshótel Skaftafelli. Það var mjög huggulegt. Lögðum snemma af stað á laugardag og héldum til Egilsstaða, ókum fram hjá fullt af hreindýrum á leiðinni. Ég lærði lexíu, myndavélanördar eiga alltaf að hafa myndavélina uppi við þegar þeir ferðast um landið, ekki ofan í tösku. Stoppuðum stutt í Djúpavogi, borðuðum nestið rétt við afleggjarann að Öxi (færðin var fín) og vorum komin til Egilsstaða rétt rúmlega eitt. 
