Pistill dagsins

Ég skrifaði pistil dagsins á Vantrú. Fjalla þar örstutt um glórulausan þátt Í bítið í gærmorgun.

Hvítasunnutónleikar í bítið

Þessi umræða Í bítið var snælduvitlaus á villugötum frá upphafi til enda.
...
Mér finnst ótrúlegt að heyra enn og aftur ósannindi um að einhverjir trúleysingjar vilji bola kristinfræðikennslu úr skólum landsins. Þessi vitleysa hefur verið leiðrétt svo oft í fjölmiðlum að fólk þarf virkilega að leggja sig fram til að mistúlka þetta ennþá.

Það er ekkert í fréttum

Mér finnst þetta magnað myndband. Hér er önnur útgáfa af sömu hugmynd.

(sá þetta á reddit)

"Obama sofaður"

Mér fannst dálítið skondið að sjá þessa fyrirsögn fyrstu fréttar á mbl í dag. Fyrirsögnin var lagfærð nokkrum mínútum síðar.

Ég nenni ekki að tuða mikið útaf innihaldi fréttarinnar. T.d. mætti halda að Clinton hafi unnið alla kjörmenn fylkisins, sem er tóm tjara.

Olíuverð - eftirspurn eða spákaupmennska

Ed Wallace, dálkahöfundur hjá BusinessWeek, heldur því fram að framboð og eftirspurn réttlæti ekki síhækkandi olíuverð - í raun séu það braskarar og græðgi sem valda því að verðið hækkar sífellt.

The Reason for High Oil Prices

It's not a supply crisis that explains the sharp spike in oil prices. It's unregulated commodities markets and greed
...
Commodities have often been the refuge for investors who have lost money on equities or fixed-income investments. Moreover, the commodities rush today is not limited to oil; now we also have runaway food and feed prices. Could it be that all the financial losses on subprime mortgages, plus the anticipation that the option ARM mortgages about to reset could be an even bigger problem, combined with the huge losses in securities last year, are why investment money today is flooding into often unregulated commodities, where the demand pricing of the final goods is inelastic?
...
Consider this: You may not buy gasoline or even eat today, but by next Monday you'll probably have to do both, no matter what it costs. Basically, besides enabling the Fed to bail out Wall Street and our banks again, every time you gas up or eat you may be paying investors to cover other financial losses. We know that investors can't control their losses on mortgages, securities, or bad loans. But, demonstrably, if not restrained they can drive up the price of goods that we can't get out of buying. Odds are, that's what's really been going on.

(via reddit)

Söluhagnaður hlutabréfa

Ríkið gefur eftir 60 milljarða skatta af söluhagnaði hlutabréfa

Eitt þeirra mála sem nú er á leið í gegnum Alþingi er frumvarp Árna M. Mathiesen, fjármálaráðherra, sem gerir ráð fyrir að ríkissjóður gefi eftir allar skatttekjur vegna söluhagnaðs hlutabréfa á árinu 2006.

Það vill svo skemmtilega til að að ég seldi hlutabréf með ágætis hagnaði (miðað við minn fjárhag) árið 2006 og greiddi skatt af söluhagnaði. Fæ ég endurgreitt?

Ætli það :-)

Heimferðin

Þegar ég var að fara út á Laugavegi 178 rétt rúmlega sex mætti ég manni á þrítugsaldri sem bauð mér úr til sölu á "hagstæðu verði". Ég afþakkaði en sá eftir að hafa ekki skoðað úrið betur, ég tel engar líkur á öðru en að hann hafi verið að selja þýfi.

Heimferðin gekk vel og nýja hjólið er helvíti fínt. Það er meiri loftþrýstingur í þessum mjóu dekkjum og maður finnur meira fyrir undirlaginu. Ég var 20-30 mínútur á leiðinni og kom heim um hálf sjö, gleymdi að tékka á klukkunni þegar ég lagði af stað. Var orðinn nokkuð sveittur í Bakkaselinu og skellti mér strax í sturtu.

Útfarir og endurtekningar

Umræðan um fyrstu útförina á vegum Siðmenntar virðist vera að fara í sama farveg og umræðan um fyrstu giftinguna á vegum sama félags. Sumir krysslingar eru óskaplega miklir asnar.

Mér þykir þetta ákaflega jákvætt. Veraldlegar útfarir hafa verið haldnar hér á landi í nokkurn tíma en það er afskaplega gott að samtök eins og Siðmennt séu þess megnug að aðstoða fólk við framkvæmd útfarar. Það segir sig sjálft að oft er fólk ekki tilbúið að standa í "veseni" á slíkum stundum.

Hjólaði (frekar stutt)

Ég sótti hjólið í morgun. Tók leigubíl í Faxafen og hjólaði þaðan í vinnuna. Þetta er ekki löng leið sem var heppilegt í fyrstu ferð. Hjólið virkaði vel Hjóla heim seinni partinn og um allan bæ næstu daga (ég lýg þessu). Ég vil því biðja ökumenn um að fara sérstaklega varlega, sér í lagi þegar þeir sjá spikaða hjólareiðakappa.

Þegar ég var að taka saman dótið í morgun fann ég húfuna mína. Mikið varð ég glaður, ég hélt hún væri glötuð í annað sinn.

Komin heim úr bústað

Við vorum að koma heim úr bústað. Ferðin úr Borgarfirði gekk vel þó umferðin hafi verið nokkuð þétt þegar við nálguðumst borgina. Ég er orðinn svo rólegur bílstjóri að það truflaði mig ekkert. Mér finnst alltaf jafn skondið þegar sami bíllinn tekur oft fram úr mér á þessari leið.

Þetta var ósköp temmileg bústaðaferð, við lásum, átum, lékum okkur, fórum í pottinn og röltum dálítið. Stelpurnar gerðu krossgátur, ég eldaði að sjálfsögðu eggjaköku. Það rigndi stundum, stundum ekki.

Það þarf að ditta að bústaðnum og umhverfi hans. Við gerðum ekkert í þessari ferð en stefnum á viðhald næst. Þurfum að versla timbur og málningu.

Það eru egg í hreiðrinu undir pallinum og svo rákumst við á skemmtilega hagamús í gærkvöldi og aftur í dag. Fylgdumst með henni læra að klifra upp á grillið.

Hér eru nokkrar myndir.

Sigurður Kári, kristilegt siðgæði og arfleifð

Mér brá dálítið þegar ég las bloggfærslu Sigurðar Kára í gær. Ég gat ekki skilið hann öðruvísi en að kristilegt siðgæði yrði áfram inni í lögum um skólastigin í landinu.

Friðrik Þór Guðmundsson hefur kannað málið og svo virðist sem að kristilega siðgæðið sé ekki inni en til að koma til móts við óánægða krysslinga verði sett inn vísun í kristilega arfleifð. Það verði m.ö.o. tekið fram í lögum að kristni fái aukið vægi í trúarbragðafræðslu vegna kristilegrar arfleifðar eða eitthvað álíka. Ég hefði haldið að það ætti heima í námsskrá um kristin fræði, siðfræði og trúarbragðafræði. Kemur fram í lögunum að leggja eigi áherslu á algebru eða íslendingasögur?

Það sem ég óttast helst er að öfgafullir ríkiskirkjumenn geti nýtt sér vísun í kristilega arfleifð til að réttlæta ágang sinn í leik- og grunnskóla í formi vinaleiðar og leikskólatrúboðs

Eldri færslur

• Blogg til Láru
• Þórbergur um séra Örn Bárð
• Hvítasunnan og heilagir hálfvitar
• Stefán Friðrik, fyrirgefðu mér
• Byrgisperrinn
• Keypti hjól
• Bókasendingin
• Innihaldslaust prestaþvaður
• XML vinnsla í Python með ElementTree
• Miðvikudagar eru ágætir
• Ballerína
• Sýning Klassíska listdansskólans
• Nítjánda í hádeginu
• Megrunarlausi dagurinn
• Cloverfield
• Hundrað og áttatíu
• Sturlaðir mogglingar
• Sparnaður í heilbrigðiskerfinu
• Vantrúardagur
• Listamenn stela glæpnum
• Stutt heimsókn á slysó
• Punktar
• Berlín - ferðasaga
• Gatan
• Leikur kvöldsins
• Ubuntu server
• Ríkjandi meistari
• Gísli Freyr, Óli Gneisti og Ármann Jakobs
• Verðbólga og sparifé
• Reiðhjólapælingar
• Ferðasaga enn í vinnslu og nokkrir punktar
• Hekk
• Varnarúði
• Spagettí með pestó
• Þórbergur, Þórarinn og Steinn
• Þróun valdsins
• U-Bahn
• Kominn heim
• Trjáfólkið
• Sumardekkin