Skelltum okkur á Þingvelli í dagi. Gerðum ekki mikið, lögðum bílnum hjá Valhöll og röltum smá spotta, fundum laut og borðuðum nesti. Brauð með osti og pestó er afskaplega gott!. Skoðuðum ekkert mjög mikið, ætluðum að rölta um svæðið en þegar nokkrir dropar féllu af himnum ákváðum við að snúa við. Það kom engin rigning.

Ókum að Nesjavallavirkjun, villtumst svo örlítið áður en við keyrðum Mosfellsheiðina heim.

Ég tók nokkrar myndir, er ánægður með boltamyndirnar af Ingu Maríu. Gyða rölti með Kollu á klósettið og ég og Inga María fórum að kasta bolta á milli. Mér finnst það miklu skemmtilegra þegar maður getur dundað sér við að taka myndir í leiðinni :-)

Þessa mynd tók myndavélin af okkur eins og Inga María orðaði það. Setti vélina á timer.