Endursmíðaði allar færslur, athugasemdaform farið af tvöþúsund færslum. Ætli það séu ekki 2-3MB þegar allt er talið. Ekki að það skipti nokkru máli. Ætti í raun að hætta að senda leitarvélum þetta athugasemdarform, hef ekki spáð í því áður.

Aðþrengdar eiginkonur eru enn í fréttum. Mér finnst dálítið gaman að safna þessu saman enda ákaflega merkilegt mál að mínu :-P

Hið stórgóða lag The Good Times Are Killing Me hefst á því að meðlimir Modest Mouse rölta inn í stúdíó og spyrja hvort það sé öskubakki á staðnum og hvort ekki sé í lagi að reykja, um tíu sekúndum síðar kemur svo þessi litli fallegi reykingarhósti, ákaflega skemmtilegt. Litlu hlutirnir gleðja mig.

Leiðist oggulítið svona gott veður þegar ég er enn í vinnunni. Líður samt ótrúlega vel eftir heimsóknina í ræktina. Ætli ég verði samt ekki með kröftugar harðsperrur næstu daga þó þetta hafi verið lítið og létt. Fer aftur á morgun og tek hendur og axlir.

Annars hef ég ekkert að segja. Jú, eitt. Mér finnst skemmtilegt að porta C kóða yfir í 64 bita umhverfi, HP-UX í þessu tilfelli, ýmislegt sem þarf að hafa í huga. Portun kóða er líka alltaf gott tækifæri til að hreinsa til.

jájá.... þið segið það