Ég geri eggjakökur aldrei eftir uppskrift, yfirleitt notast ég við afganga, en nokkurn vegin svona var eggjakakan sem ég gerði í gær.

• 1 laukur
• 1 hvítlauksrif
• 1/2 rauð paprika
• 5 pylsur, skáskornar í bita
• 8 bacon ræmur, skorið þokkalega smátt
• 200gr sveppir,skornir í skífur
• slatti af ferskri basiliku
• parmesan ostur
• salt og svartur pipar
• smjör og olía
• 10 egg

Saxa lauk, hvítlauk og papriku smátt. Steikja upp úr olíu þar til laukur er glær. Bacon og pylsubitum bætt og pönnuna og brúnað. Smjöri bætt á pönnu og sveppir út í.

Eggin brotin í skál og hrærð með gaffli. Parmesan ostur rifinn út í, salt og pipar bætt í og fersk basilika rifin og hrært saman við eggin.

þegar sveppir eru þokkalega steiktir er eggjablöndunni hellt yfir og öllu hrært vel saman. Steikt í smá tíma og hrært aðeins í, látið svo steikjast í mínútu eða svo og skellið pönnunni í ofninn (150-160° blástursofn). Þegar eggjakakan virðist vera næstum því tilbúin er hún tilbúin, takið úr ofni og látið standa í nokkrar mínútur. Hvolfið á disk og hvolfið aftur á bakka eða kökudisk, hliðin sem snýr upp á pönnunni er miklu fallegri.

Lykilatriði: parmesan með eggjunum - henda pönnunni í ofninn í stað þess að snúa kökunni - ekki of lengi í ofni - slatti af basiliku.