Djass á Rósenberg
Eftir kvöldmat röltum við hjónin niður Laugaveg. Gyðu langaði að hlusta á lifandi tónlist og við ákváðum að kíkja á Rósenberg. Fórum nokkrum sinnum á gamla staðinn og kunnum yfirleitt vel við okkur þar. Nýi staðurinn á Klapparstíg er huggulegur.
Í gærkvöldi var Haukur Gröndal að spila djass ásamt þremur öðrum, tveim á gítar og einum á kontrabassa. Ég veit ekki hvort þetta band heitir eitthvað en þeir voru afskaplega góðir.
Við hjónin ræddum að við þyrftum að fylgjast með dagránni á Rósenberg og kíkja oftar þar við.
Þetta var ekki eini saxófónleikarinn úr Garðabæ sem ég sá í gær því Óskar Guðjónsson spilaði við annan mann í innflutningsteiti Trackwell í gærkvöldi.
Þannig var það.
María - 10/10/09 17:23 #
Ég mæli sérstaklega með næsta fimmtudagskvöldi; http://www.myspace.com/thinjimandthecastaways
Hrikalega gott band og alltaf skemmtilegt á tónleikum.