Gylfi Gylfason, oft kenndur við Símabæ, skrifar um mig á bloggsíðu sinni.

"Persónulegt trúfrelsi er óþarfi í landi Vantrúar."

Er þetta virkilega allt sem þú finnur til að telja þig þess umkominn að kalla mig lygara......

Sjálfur ert þú fullur af persónulegum brestum sem koma fram í endalausum þráhyggjukenndum órum. Þú hefur skaðað málstað vantrúaðs fólks til lengri tíma með því að skapa ormagryfju óhróðurs úr Vantrú og nýtur ekki fulls trausts þar lengur. Æ fleiri hafna þér sem hverskonar málsvara trúleysis á þeim grunni að þér er meira annt um að rakka niður lífsval náungans en að byggja upp sterkan málsvara fyrir fólk sem velur að standa utan trúfélaga o.þh.

Þú ert stjórnlaus og þekkir ekki eigin takmörk sem sýnir sig hvað best í þeim mikla óróa sem þú hefur valdið á meðal fólks sem deilir trúarskoðunum sínum eða andlegum pælingum á vefnum.

Og já ég get alveg fullyrt að persónulegt valfrelsi sé óþarfi á þínu svæði á meðan félagsmenn liggja sem límdir yfir fólkinu sem þeir fordæma og rakka niður lífsval þess.

Það eina sem beðið er um er friður til heilbrigðra skoðanaskipta en Vantrú hefur tekist að koma óorði á trúleysingja og tel ég þig fara þar einna fremst í flokki. Þú ert fyrirlitinn á meðal trúaðs fólks á sama tíma og þú ert í forystusveit félags sem ætti með þroskuðum hætti að efla virðingu í stað þess að ala á hatri.

Stoltur Matti?

Ég hef áður skrifað um samskipti mín og Gylfa. Veit ekki af hverju hann skrifar um mig og Vantrú í þetta skipti. Sér í lagi þar sem hann hefur eytt eldri færslu sínum um sama efni.

Færslan og athugasemdir eru ágætt dæmi um skrif sem algeng eru um Vantrú og mig á netinu. Við því er ekkert að gera, það er málfrelsi og allt það. Ég verð bara að vona að þokkalega skynsamt fólk sjái í gegnum þetta þvaður.