Er þetta fyrsta alvöru tepokablogg íslenskrar bloggsögu? Ég veit það ekki og nenni ekki einu sinni að googla það.

• Ég notaði þennan tepoka tvisvar í dag. Fékk ágætt te í bæði skipti. Þetta er nokkuð gott te, fæst í Bónus. Ég hef ekki enn lært að drekka kaffi og held að það sé eiginlega útséð með það. Held mig við tedrykkju enda tedrykkja miklu fágaðari en eitthvað kaffisumbl.

• Við höfum haft það alveg óskaplega gott í páskafríinu, rembumst við að gera ekki neitt. Höfum gert (alltof) vel við okkur í mat og drykk.

• Ég hef reynt að eyða dálitlum tíma í þýðendasmíði. Ýmislegt sem þarf að huga að í því verki þó þetta sé ekki flókið í raun. Ég vildi að ég hefði stúderað þýðendur fyrir fimmtán árum eða svo.

• Páskabingó Vantrúar fór fram í dag og heppnaðist vel. Nokkuð ítarlega var fjallað um það í sjónvarpsfréttum en ég geri ráð fyrir að Morgunblaðið passi sig á að segja ekki neitt. Birni Bjarnasyni finnst þetta dæmi um athyglissýki. Hann hefur sagt eitthvað svipað áður.

• Carlos Ferrar móðgast ákaflega útaf "rúnki" í bloggfærslu hjá mér. Blokkeraði mig af Facebook vegg sínum í kjölfarið. Það var skynsamlegt. Telur mig ekki vilja "samræður". Minnir mig á Björn Bjarnason sem sagði einmitt:

  Alþingi hefur ákveðið, að lög af þessu tagi gildi hér á landi. Þeir, sem mótmæla henni í nafni vantrúar sinnar og kjósa að sýna það með því að spila opinberlega bingó föstudaginn langa til að komast í fréttir, velja auglýsingamennsku samtímans í stað rökræðna.

Af hverju getur þetta vantrúarlið ekki bara sætt sig við að hlutirnir eru eins og þeir eru. Hætta leiðindum og rabba um málin. Kannski breytist eitthvað á næstu eða þarnæstu öld.

• Kvikmyndin Up? að byrja í sjónvarpinu. Hún inniheldur eitthvað sorglegasta atriði kvikmyndasögunnar. Best að koma sér í stellingar.