Bílablús
Fyrir þrem vikum bloggaði ég um árekstur sem ég og Kolla lentum í annan í jólum. Sem betur fer meiddumst við ekki og aðrir sem lentu í slysinu jafna sig vonandi.
Þegar ég bloggaði var bíllinn kominn á verkstæði. Þar er hann enn og ekki sér fyrir endann á því. Viðgerðin stoppar á varahlutum, brettaköntum sem umboðið átti ekki á lager og þurfti að flytja inn. Þegar ég hringdi í gær var verið að vonast til þess að varahlutir kæmu í dag. Ég hefði haldið að það væri hægt að redda svona hlutum á 2-3 dögum.
Ég fékk bílaleigubíl í viku, ók um á smábíl með tæpar bremsur frá bílaleigu Akureyrar í verstu færð sem sést hefur á höfuðborgarsvæðinu í einhverja áratugi. Sú vika leið hratt. Þessa dagana er ég með bíl í láni frá tengdó. Sá er töluvert miklu betri en bílaleigubílinn.
Það stefnir í að bíllinn verði í mánuð á verkstæði. Ég hefði þurft að hafa vit á að taka hann af númerum fyrir þrem vikum til að spara tryggingar (og hugsanlega önnur gjöld). Ætla að hringja í Sjóvá á morgun og spyrja hvort ég fái ekki afslátt af kaskótryggingu þennan mánuð.
Baldvin - 17/01/12 21:58 #
Þú ættir nú að geta keyrt bílinn án fjandans brettakantanna, er það ekki?
Eru þetta brettin sem vantar, eða bara plastkantarnir?
Baldvin - 17/01/12 22:08 #
Þá strandar nú væntanlega á brettinu sjálfu eða jafnvel innra brettinu. Það hlýtur að vera hægt að smella plastdraslinu á eftirá.
En það getur gengið erfiðlega að fá varahluti frá Kia, eða gat amk gert það meðan Hekla var með umboðið. En það var reyndar millibilsástand, ég þekki ekkert til hjá Öskju.
hildigunnur - 17/01/12 23:10 #
hmm, varla áttu nú að þurfa að þola bílaleigubíl með tæpar bremsur! Ég fékk annars mjög fína þjónustu einmitt hjá Bílaleigu Akureyrar þegar bílnum mínum var rústað í desember, sjá hér.