Hvar búa borgarfulltrúar 2014?
Fyrir fjórum árum tók ég saman yfirlit yfir búsetu borgarfulltrúa. Ég skoðaði núverandi stöðu til samanburðar og þróunin kom mér á óvart, borgarfulltrúarnir hafa færst nær miðbænum og voru þeir þó frekar miðlægir síðast. Núna býr enginn borgarfulltrúi austan við Elliðá. Núna býr einungis Björk Vilhelmsdóttir austan við Reykjanesbraut/Sæbraut.
Hér má sjá Reykjavík alla og í þessari frétt Eyjunnar má sjá fjölda íbúa borgarinnar eftir póstnúmerum.
N.b. ég er latur og því er píratinn Halldór næstum eins á litinn og Besta flokks fólkið. Sama leti veldur því að ég nenni ekki að fara yfir varaborgarfulltrúa.
ps. Uppfærði færsluna, í upprunalegu færslunni var ég með Björk Vilhelms í Fossvoginum en það var nafna hennar. Staðbundin leit á já.is ruglaði mig í ríminu.
Siggi O - 18/06/14 20:01 #
Flott mynd.
Mér fannst einn punkturinn svolítið skemmtilegur.
Búa Sóley Tómasar og svo einhver úr Sf. í sömu götunni eða í sama húsinu? Útskýrir það half-and-half punktinn þarna?
Ég er ánægður með hvað borgarfulltrúarnir eru umhverfisvænir, að búa nálægt vinnunni sinni.