Við sem viljum, nei þurfum, að komast í ræktina erum auðvitað farin að örvænta örlítið.

Ég skil ekki pælinguna með að opna sund á undan líkamsrækt því mín reynsla er sú að það sé líklegra að smitast í sundi en í ræktinni! Eins og ég bloggaði 21. mars

Fólk var áberandi duglegra við að þrífa í kringum sig í ræktinni, bæði stangir og lóð. En staðan var önnur í sundlauginni í hádeginu, ég verð að segja eins og er, ég skil ekki gamla fólkið í pottunum, vita þau ekki að þau eru í mesta áhættuhópnum? Ég byrjaði semsagt í kaldari heita pottinum, þar var bara ein kona, en hún var búin að koma sér fyrir þannig að ég þurfti eiginlega að troða mér framhjá henni. Svo fór ég í heitari heita pottinn og kom mér vel fyrir, en áður en ég vissi af var karl búinn að planta sér innan hálfs metra frá mér, svo hann gæti nuddað iljarnar á sér með inntakinu! Ég fór þá í kalda pottinn og var einn í honum í rétt tæpar tvær mínútur, en þá komu þrjár fullorðnar konur í hann! Ég flúði í heitari pottinn, sem þá var tómur.

Þær komu í humátt eftir mér og innan skammst voru sjö komnir í pottinn og áttunda gamalmennið á leið ofan í, hálfur metri milli fólks! Ég flúði.

Ég treysti mér betur til að sótthreinsa í kringum mig í ræktinni (og halda fjarlægð) heldur en að halda fjarlægt í pottunum!