Fór í ræktina í hádeginu. Var að spá í að taka brjóst og bak en þegar ég var kominn á hlaupabrettið ákvað ég að hlaupa sex kílómetra í dag. Reyndar ákvað ég það ekki endanlega fyrr en ég var búinn að hlaupa tvo kílómetra á tíu mínútum, leið vel í skrokknum (er eitthvað tæpur í hné þessa dagana) og ákvað að hlaupa áfram í stað þess að lyfta. Jók hraðann og stefndi á að bæta tímann síðast sem var 28:50.

Hef ekki hlaupið mikið undanfarið, er oftast að lyfta eða í fótbolta, en hef náði undir 29 mínútur a.m.k. í tvígang. Í dag fór ég þetta á 28 mínútum og 16 sekúndum.

Það eru næstum tólf ár síðan ég náði þessum tíma síðast. Ég er þrem kílóum léttari í dag, en líka næstum tólf árum eldri^*!

Ég sé til hvort ég fer eitthvað út að hlaupa í sumar. Er lítill útihlaupari, er meira fyrir að hjóla.

^*Var ekki nauðsynlegt að taka þetta fram? :-)