Þórhallur í trúðabúning

Ég skrifaði athugasemdir á trú.is en þar sem séra Þórhallur kýs oft að hætta að hleypa athugasemdum viðmælenda sinna í loftið þannig að það líti út fyrir að hann hafi átt síðasta orðið^* set ég þá síðustu hér líka.

Þórhallur leggur áherslu á að ég sé svo fordómafullur að hann þurfi ekki að svara athugasemdum mínum, jafnvel ekki einfaldri spurningu þar sem ég spyr hann hvaða grein í Fréttablaðinu hann sé að vísa í (ég er farinn að halda að hann sé einfaldlega að ljúga um greinina). Þórhallur kallaði mig t.d. fordómapúka í athugasemd á þessu bloggi þar sem hann virtist ekki gera sér grein fyrir að þetta er bloggsíðan mín.

Þar sem hann fjallar um skrif mín á Vantrú í athugasemd á trú.is þykir mér óskaplega lélegt að ég fái ekki að svara.

Síðasta athugasemd mín sem "hefur verið send ritstjóra til yfirferðar"^$ er svona:

Auk þess er það einfaldlega rógur hjá prestinum að halda því fram að um "ógrundaða dóma" sé að ræða þegar ég kalla kristni og önnur hindurvitni kukl, kjaftæði eða minnist á kjánaskap.

Hvað vill presturinn segja um smáskammtalækningar, Lifewave plástra, DNA heilun eða kraftaverkahyski? Má ekki segja að þetta sé bæði "kukl" og "kjaftæði"?

Eftir stendur að kristin trú er hindurvitni. Það er ekkert flóknara en það.

Í nútímamáli er nafnorðið hindurvitni jafnan hvorugkyns og oftast haft í fleirtölu. Langalgengasta merking þess er ‘fánýt eða heimskuleg hjátrú, bábylja’ eins og fram kemur í eftirfarandi dæmum: #

Fordómarnir eru séra Þórhalls sem telur sig geta útilokað alla gagnrýni á þeim forsendum að gagnrýnendur séu óhreint fólk. Hans hugmynd um umræður er að segja fólki að hlusta ekki á aðra.

ps. Nei, ég er ekki að leggja manninn í einelti.

^*Ég veit t.d. að Hjalti skrifaði athugasemd í þessari umræðu sem Þórhallur ritskoðaði þannig að svo virðist sem Hjalti hafi ekki svarað honum. Eftir þetta hætti hann einfaldlega að birta athugasemdir frá Hjalta og mér á bloggsíðu sinni. Ég reyndi m.a. að setja inn vísun á bloggfærslu mína í athugasemd hér en Þórhallur birti hana ekki.

^$ Ritstjóri trú.is er væntanlega séra Árni Svanur Daníelsson.