T.d. var Matti ansi effektívur sem trúlaysingji[svo] og náði t.d. að taka þátt í að snúa hörðum trúmönnum til trúleysis einmitt venga þolinmæði, góðrar efnislegrar umræðu og skilnings á manneskjunni sem virðist svo vera algjörlega horfið í dag í þeim pólitísku viðfangsefnum sem eru uppi og því nær hann ekki að snúa neinum sem er á andstæðri skoðun. Það er kannski ekki markmiðið og ef svo er þá bara er það þannig - en nálgunin allavega gerir þannig árangur svo til útilokaðan.
Hjörtur Brynjarsson í athugasemd hjá Kristni Theódórssyni á Facebook
Svona er sagan stundum endurskrifuð eða man einhver eftir því að ég hafi eitthvað verið skammaður fyrir að vera öfgafullur og dónalegur trúleysingi? Kannski er til glærusafn um meintan dónaskap minn gagnvart trúarnötturum?
Markmiðið hefur aldrei verið að snúa neinum þó það hafi tekist, enda nær ómögulegt verkefni. Markmiðið var að veita mótvægi, að setja rökin fram svo að fólkið á hliðarlínunni félli ekki fyrir málflutningi þeirra sem ég var ósammála.
Nákvæmlega eins og í dag.
Ég sé að sumir aðdáendur mínir í hópi nafnlausra nýnasista á Twitter kíkja eftir því hvort ég hafi skrifað meira um þá hér. Ég hef nóg að gera við annað en hafið ekki áhyggjur, grafið góða uppfærist reglulega.
Auðvitað mun ég skrifa meira um óða fólkið hér síðar. Skemmtilegast verður að nefna suma af nafnlausu hálfvitunum fullu nafni. Þú heldur nefnilega að þú sért að skoða internetið en í raun er internetið að skoða þig!
Ég veit að einhverjum finnst það ýkt að kalla sumt af óða fólkinu á Twitternasista og aðrir hafa dylgjað um að ég kalli alla sem eru ósammála mér nasista. Það er auðvitað kjaftæði, ég vil þvert á móti halda því fram að ég sé alltof ragur við að kalla fólk nasista og geri það ekki nema mér finnist ekkert annað koma til greina, margir rauðir á kortinu ættu líklega að vera dökkbrúnir (og sumir verða það að lokum).
Hvað um það, hér koma ellefu dæmi af 78 sem eru dökkbrúnir á grafinu. Helsti vandinn við þessa samantekt var að velja bara ellefu, ég var strax kominn með rúmlega 30 nöfn þó ég gerði mitt besta þannig að margir fleiri komu til greina á þennan lista, en komast á þann næsta.
Áætlunin (og reikningur) fyrir akstur á jeppanum í janúar er ansi langt frá notkun, rúmlega tvöfalt hærri (991 - 450). Þegar ég skoða tölurnar passa þær við meðaltalið síðustu tvö ár, frá skoðun í júlí 2024 til skráningar á kílómetrum 2. janúar, 32km á dag.
Vorum hjá foreldrum mínum á Völlunum um áramótin. Röltum út eftir skaupið og horfðum á flugelda og í stað þess að stilla myndavélinni á þrífót eins og vanalega rölti ég bara um með Insta360 x5 vél og tók myndband.
Dæmi um tengingar
Ég fann ekki upp á frasanum „óða fólkið“, þetta er útúrsnúningur á ruglinu um „góða fólkið“ sem þróaðist yfir í „vók“. „Óða fólkið“ er samt frábært yfir fólkið sem hér er fjallað um!
Ég dundaði mér við það, svona meðan ég var ekki að gera annað í fríinu á Spáni um daginn, að fara yfir helstu íslensku nasistana, rasistana og fylgjendur þeirra á Twitter og kortleggja tengslin. Þetta er óskaplega lítil og einföld vefsíða sem notar d3.js til að reikna út staðsetningu punkta í neti út frá tengingum.
