Varð vitni að hópi máva ráðast á hrafn þegar ég kom úr ræktinni í Breiðholt. Spurning hvað bardaginn entist lengi, ég beið ekki og þeir voru enn að þegar ég ók í burtu

Menningarnótt byrjaði frekar brösulega hjá okkur. Við ákváðum að verða við ráðleggingum aðstandenda hátíðarinnar og taka strætó í bæinn. Skoðuðum tímatöflur vandlega og röltum út að Seljabraut tímanlega til að taka vagninn klukkan 13:15. Biðum þar ásamt hópi fólks en ekkert bólaði á strætó og samkvæmt strætó-appinu var hann ekki á leiðinni á næstunni. Ég hringdi í þjónustunúmer en gat ekki fengið nánari upplýsingar þar, þannig að rúmlega hálf tvö gáfumst við upp á biðinni (eins og allir aðrir við strætóskýlið). Röltum heim, fórum í bílinn og ókum í Borgartún þar sem við skyldum bílinn eftir.

Meira...

Við hjónin skelltum okkur í bíltúr og gærkvöldi og enduðum á Gróttu vegna þess að ég gleymdi að beygja. Það var fjara og við röltum út að vitanum. Ég verð að játa, með dálítilli skömm, að þetta er í fyrsta sinn sem ég fer út á Gróttu.

Meira...

Við hjónin höfðum ákveðið að fara á veitingastaðinn Kol í hádeginu einhvern daginn í sumarfríi og þar sem við mætum aftur til vinnu eftir helgi var ekki seinna vænna en að skella sér eftir hádegisboltann hjá mér. Mættum klukkan hálf tvö en eldhúsið lokar klukkan tvö, opnar aftur um hálf sex fyrir kvöldverðargesti.

Meira...

Þrír ósköp rólegir barnlausir dagar í bústað. Geggjað veður, afskaplega notalegt en alls ekki grennandi!

Meira...

Nágranni minn var æstur og með hávaða í kvöld. Ég ákvað að rölta til hans.

Það væri rosalega sterkur leikur hjá aðstandendum Secret Solstice að þrífa dálítið í kringum svæðið, t.d. mætti sópa upp glerbrotum og sígarettustubbum á bílastæðunum við Laugardalsvöll. Væri betra ef þessu er sópað upp áður en stubbar fjúka út í buskann og glerbrot enda í hjólbörðum. Ég fer nógu oft um svæðið til að geta fullyrt að þetta drasl var ekki þarna fyrir helgi.

Meira...

"Ég sagði að það væri boðberi hrakandi siðferðis ef fólk almennt vill kristna trú út og að aukning glæpa mætti að verulegu leyti skrifa á fráhvarf frá kristnum gildum."

Einu sinni sagði afskaplega kristinn náungi þetta við mig á netspjalli. Næstum fimmtán árum síðar eru viðbrögð mín enn umræðuefni (fleira kemur þó við sögu).

Gaman að því. Sérstaklega vegna þess að viðbrögð mín hefðu alveg mátt vera miklu harðari.

Fyrir tæpum tíu árum fór Inga María í skólann í fyrsta sinn og virkaði örlítið stressuð á mynd sem ég tók þá. Í gær útskrifaðist hún úr Ölduselsskóla og var ekkert stressuð fyrir það. Grunnskólatímabilinu er hér með lokið á þessu heimili eftir nítján samfelld ár, þar af eitt þar sem allar stelpurnar þrjár voru saman í Ölduselsskóla. Það er skrítið!

Kolla og Inga Maríu stilltu sér upp við vegginn í síðasta sinn.

Meira...